Bienveníos y bienveníes a la páxina web del Conceyu de Nava.

Dende¿l día 13 de xunu de 2015 correspuéndeme a mi, por decisión de los vecinos y vecines de Nava, tar al frente del nuestru Ayuntamientu pa los prósimos cuatro años.

Ye la nuestra intención qu¿esta páxina canalice tola información del conceyu faciendo la vida más facil a aquelles persones que quieran realizar los sos trámites alministrativos al traviés d¿ella.

Otra manera, queremos dar a conocer el nuestru Conceyu y compartir de manera virtual los munchos requexos de gran guapura colos que contamos, asina como la so rica gastronomía onde nun pue faltar la sidra, seña d¿identidá de la cultura naveta.

Aprovecho pa convidavos a toos y toes a pasar de lo virtual a lo real y poder asina comprobar la hospitalidá de les nuestres xentes y ver que Nava ye un llugar pa quedase.