La presencia de civilizaciones prehistóriques nel conceyu de Nava conozse dende va tiempu. Hai gran cantidá de restos paleolíticos, atopaos siempre en xacimientos al aire llibre, polo que nun hai información estratigráfica de tipu nengún. De la dómina megalítica, nos años setenta atopábase un xacimientu aislau nel llugar navetu de Paraes. Y anque tampoco d¿ello se pudo facer un estudiu fondu, atopáronse dellos cazuelos y cruces esculpíes nel Altu L¿Espinedal.

Hai tamién un conxuntu d¿elementos pertenecientes al final de la Edá de Bronce, al rodiu del sieglu VIII enantes de Cristo, localizaos en Purnea. Trátase d¿un conxuntu de hachos de bronce, concretamente cuatro instrumentos, toos ellos hachos de talón.

En Nava hai tamién restos de fortificaciones antigues. Nesti sen, alcontramos dellos castros: La Cogolla, Cesa, la parroquia de Cuenya, el Castiello de Salas, La Polenava, La Forcá, cerca de Viobes, el Picu Castro, etc... Anque nengún foi oxetu d¿escavaciones arqueolóxiques, polo que¿l so pasáu y el so interior ye tovía un misteriu. Atopáronse tamién restos numismáticos y  cerámicos importantes nos llugares de Cecea y H.uentesanta; y los resots del balneariu de H.uentesanta d¿usu posible en dómina romana.

Na Alta Edá Media, arqueolóxicamente alcontramos los restos prerrománicos de Santu Tomás de Priandi y del cementeriu de Nava, amás d¿una reocupación medieval del asentamientu de La Coroña Castru, na llende con Cabranes y Piloña.

Ente los sieglos X, Xi y XII ye cuando surde¿l conceyu actual de Nava, anque de toles sos menciones nun se pue sacar qu¿esistiere una demarcación con esi mesmu nome. El 22 de xunetu de 1270, el rei Alonso X crea l¿instrumentu fundacional de la puebla de Nava, a la que-y da¿l fueru de Benavente, apurriéndo-y el privilexu d¿un mercáu selmanal, ente otros beneficios. L¿actividá industrial foi seronda en Nava, y centróse más nel sector alimenticiu y na tresformación de productos agrarios.

Depués de la guerra civil española y yá na segunda metá del sieglu XX la evolución del conceyu centróse nel sector alimenticiu, y na segunda metá del sieglu XX, la evolución del conceyu centróse nel sector primariu y secundariu. Per otru llau, Nava ye la capital asturiana de la sidar, a la que dediquen un Festival de la Sidra dende 1969 y un muséu qu¿ofrez un estudiu detalláu d¿esta bebida.