Esti guapu conceyu de la zona centro-oriental asturiana llenda al Norte colos conceyos de Cabranes y Sariegu; al sur colos de Bimenes, Llaviana y Piloña; al este con Piloña y al Oeste con Bimenes y Siero.

El territoriu de Nava atraviésenlu, d¿oeste a este, la N-634, y el Ferrocarril de vía estrecha (FEVE) llinia Uviéu-Bilbao, y de norte a sur les carreteres rexonales AS-250 dirección a Villaviciosa y la AS-251 dirección Bimenes.

Etimolóxicamente Nava significa ¿tierra baxa y llana¿, situada xeneralmente ¿ente montes¿, nada más esacto pa la so definición, yá que ye asina¿l sitiu onde s¿alcuentra. A 294 metros perriba del nivel del mar, Nava pertenez a la unidá topográfica deprimida del surcu d¿Uviéu, ente El Remediu y Cecea, zona fundida na oroxenia alpina, llendando pel sur col cordal de Peña Mayor, como puntu de referencia, y algamando¿l so altor másimu nel Picu Trigueru, con 1.211 metros.

Los ríos Viao, Punegru, Pendón, Prá y Salar, toos ellos afluentes del Piloña, traviesen la so xeografía, orixinando nel so paisaxe entornos de muncha guapura.

El conceyu tien una densidá de población de 57,67 habitantes per Km. Cuadráu, y ta dividíu en seis parroquies: San Bartolomé de Nava, Nuestra Señora del Remediu, San Xosé de Tresali, Santo Tomás de Priandi y San Miguel de Cecea. Pertenez a la Mancomunidá Comarca de la Sidra, xunto colos conceyos de Bimenes, Cabranes, Colunga, Sariegu y Villaviciosa.

Nava tien una población de 5.586 habitantes, de los que 1.999 viven na capital, tando la metá sur mui poco poblada; nos años últimos nun se producieron movimientos migratorios importantes y el númberu d¿habitantes permanez más o menos estable.

Tradicionalmente¿l sector económiciu más destacáu dientro del conceyu foi¿l primariu, sector que s¿especializó na ellaboración de lleche, lo que traxo una ocupación del suelu na que dominen los praos dedicaos a sacar alimentu pal ganáu. Esto nun implicó la desapaición de les mates forestales, que tovía s¿esparden al sur del conceyu sobre¿l 39%, aproximao, del conceyu.

La industria del conceyu céntrase en sectores como la madera, que forma un paisaxe nes orielles de la N-634 cola instalación de fábriques de mueble. De calidá y sonadía ye¿l productu fabricáu sobre manera, la sidra, con una producción de más de 10 millones de llitros añales.

Rescampla nel sector industrial Fuensanta, una de les mayores empreses del conceyu.

De toles actividaes terciaries la que más destaca ye la comercial. El so desarrollu foi paralelu al incrementu de los escedentes agrarios, predominanto los establecimientos de venta d¿alimentos (66% del tota l), sector comercial que se concentró na capital.

Nestos últimos años ye pa destacar el sector turisticu, del que se ve l¿incrementu non solo nel númberu de visitantes a la villa motiváu pola creación del Muséu de la Sidra, sinón tamién na abondancia de cases d¿aldea (unes 30 aproximao), núcleos de turismu rural y hostelería, esta última favorecida pol Festival de la Sidra, arriendes de xornaes gastronómiques como les de los platos de caza, etc.

TRADICIÓN SIDRERA

N¿Asturies la ellaboración y el consumu de sidra realizóse desde mui atrás, anque dir dir a la cata de los sos oríxenes ye un llabor bien difil, yá que los documentos conservaos nun ufierten nenguna fiabilidá. El testimoniu documental más concretu que se tien d¿esa bebida tenémoslu na Edá Media, y a partir d¿entós atópense datos abondos que se refieren a la sidra y la mazana d¿esta tierra.

La sidra foi protagonista indiscutible de les nuestres feries y fiestes, motivu pol que se-y da tanta atención. Con esta idea nació¿l Muséu de la Sidra, un edificiu simbólicu dedicáu dafechu a esti productu. Asitiáu nel cascu urbanu de la villa de Nava, esti edificiu emblemáticu naz pa mostrar a tol que lo quiera lo relativo al mundu de la sidra n¿Asturies, gracies a una esposición atractiva na que se muestren aspectos etnográficos y culturales importantes de la bebida. Como consecuencia de la gran tradición sidrera del conceyu de Nava, atópense nel gran cantidá de llagares, qu¿ellaboren un productu de muncha calidá.

ARTESANÍA Y PRODUCTOS TÍPICOS

Como consecuencia de la bayura d¿árboles, nel conceyu de Nava ye común el trabayu de la madera, dalgo no que yá se trabayaba d¿antiguo. Anguaño, los focos más importantes son Nava y Cecea. En rellación a l¿artesanía, celébrase¿l yá mentáu Mercáu Astur, dedicáu dafechu a esta tradición asturiana.

Hai en tol conceyu un intengu de recuperar y potenciar l¿artesanía popular, meciendo tolos aartesanos y artesanes la tradición coles formes y materiales nuevos nel trabayu de la madera. El sector artesanu ye de muncha importancia en Nava. A él incorpórense moces y mozos que busquen una salida y un estilu nuevu de vida, xunto con artesanes y artesanos más veteranos que fabriquen productos tradicionales como madreñes, cestos o alpargates.

No que se refier a la sidra, el conceyu de Nava foi y ye un centru importante de producción artesanal, anque anguaño¿l sector incorporó avances técnicos na producción de la bebida asturiana por escelencia, algamando un carácter industrial. La cocina naveta ye mui rica y variada. Ente los platos más típicos atopamos los platos a la sidra (pescaos, carnes...) y los quesos de casa. Nel apartáu de les bebíes tenemos l¿agua natural de H.uentesanta, conocida en tol país poles sos propiedaes minero-melecinables.